Thaçi: Kosova ka synim strategjik anëtarësimin në NATO dhe BE

Me rastin e 9 Majit, Ditës së Evropës, Presidenti Hashim Thaçi tha të shtunën se Kosova ka synim strategjik anëtarësimin në NATO dhe Bashkimin Evropian.

“Kosova si shtet i ri dhe sovran falënderon të gjitha shtetet evropiane që dhanë kontribut historik për lirinë dhe pavarësinë tonë. Kosova, pavarësisht sfidave, synim të vetëm strategjik ka orientimin euroatlantik dhe pranimin në BE dhe NATO”, tha Thaçi, nëpërmes një postimi në Facebook.

Ai shtoi se u bënë 70 vjet që nga koha kur ideja për zhvillim ekonomik mes shteteve themelore të kontinentit të vjetër u bë bazë e forcimit të paqes, prosperitetit dhe vizionit të Bashkimit Evropian.

Kosova është vendi i vetëm që e ka festë zyrtare 9 Majin, Ditën e Evropës, ndërsa i vetmi vend në Evropë që ka regjim vizash në Zonën Shengen.