Haradinaj: Kosova vendi i parë në Evropë me ideale euroatlantike
Kryetari i Aleancës për Ardhmërinë e Kosovës (AAK), Ramush Haradinaj, me anë të një postimi në Facebook ka uruar qytetarët me rastin e Ditës së Evropës.
Ai ka shkruar se nuk ka vend në Evropë më të përkushtuar ndaj idealeve të BE-së se sa Kosova.
Haradinaj ka potencuar se integrimi i plotë në strukturat euro-atlantike nuk është thjeshtë një ëndërr, por emri i dytë i ekzistencës së Kosovës.
“Nuk ka vend në Evropë më të përkushtuar ndaj idealeve të BE-së se sa Kosova, e cila është pjesë e natyrshme e familjes europerëndimore. Kosova i ka përqafuar vlerat e përbashkëta europiane dhe vizioni i saj i palëkundur mbetet anëtarësimi në BE, si shtëpi e përbashkët. Integrimi i plotë në strukturat euro-atlantike nuk është thjeshtë një ëndërr, por emri i dytë i ekzistencës sonë. Urime Evropë”, ka shkruar Haradinaj.